აჭარის მთავრობის თავმჯდომარე ზურაბ პატარაძე ქალაქის მერთან გიორგი ერმაკოვთან და მთავრობის სხვა წარმომადგენლებთან ერთად რუსეთ-საქართველოს ომში დაღუპულ გმირთა სკვერში შეიკრიბნენ.

აჭარის მთავრობის პრესსამსახურის ინფორმაციით, ღონისძიებას აგრეთვე ესწრებოდა საქართველოს სახმელეთო ჯარების სარდლის მოადგილე ჯონი დათუნაშვილი.

ათივე ინფორმაციით, ღონისძიების მონაწილეებმა სიმბოლური მემორიალური დაფა ყვავილებითა და გვირგვინით შეამკეს. შესრულდა საქართველოს ჰიმნი.

დამსწრე საზოგადოებამ წუთიერი დუმილით კიდევ ერთხელ მიაგო პატივი დაღუპულ მამულიშვილთა ხსოვნას.

სკვერის გვერდით არსებულ ტაძარში, მამა ანდრიამ დაღუპული მეომრების სულის მოსახსენებელი პარაკლისი გადაიხადა.

მთავრობის თავმჯდომარე ზურაბ პატარაძე 8 აგვისტოს ომში დაღუპულთა ოჯახის წევრებს შეხვდა, გაამხნევა ისინი და მათ მხარდაჭერა აღუთქვა.

2008 წლის აგვისტოს ომში აჭარიდან სულ 16 ჯარისკაცი დაიღუპა. აქედან, 1 ჯარისკაცი ბათუმის მკვიდრი იყო, 2 შუახევის, 1 ქედის, 2 ხულოს, 10 კი ქობულეთის მუნიციპალიტეტის მკვიდრი.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს