ჩინეთის სახალხო რესპუბლიკის პროვინცია ჭეძიანის ქ. ჭუძიში ქართული ღვინის სახლი გაიხსნა. გახსნის საზეიმო ღონისძიებაში მონაწილეობა მიიღეს ჩინეთში სამუშაო ვიზიტით მყოფმა საქართველოს საპარტნიორო ფონდის დელეგაციის ხელმძღვანელმა დავით საგანელიძემ და ჩინეთში საქართველოს საგანგებო და სრულუფლებიანმა ელჩმა დავით აფციაურმა.

ქართული მხარე ასევე ეწვია ქ. იუში გასულ წელს გახსნილ ქართული ღვინის სახლსაც. აღსანიშნავია, რომ ჩინეთის პრეზიდენტმა ქ. იუს უწოდა „ახალი აბრეშუმის გზის" ახალი სათავე. 

ქ. იუში შედგა შეხვედრა ქალაქის მმართველი პარტიის ხელმძღვანელთან და ვიცე-მერთან. შეხვედრისას განხილულ იქნა საქართველოსა და აღნიშნულ ქალაქს შორის მომავალი თანამშრომლობის შესაძლო მიმართულებები. აღინიშნა, რომ ქ. იუ, რომელიც ჩინეთის ერთ-ერთი უმსხვილესი ლოგისტიკური და სავაჭრო ცენტრია, წლების განმავლობაში ნაყოფიერად თანამშრომლობს საქართველოს სხვადასხვა კომპანიის წარმომადგენლებთან, რაც ქართული და ჩინური სავაჭრო-სატრანსპორტო კომპანიების პროდუქტიული კოოპერირების შედეგია. 

შეხვედრისას აღინიშნა, რომ მაქსიმალურად მოხდება ქართული კომპანიების ხელშეწყობა ბიზნეს საქმიანობის წარმართვაში.

მხარეებმა აგრეთვე განიხილეს ქ. იუს მსხვილ საგამოფენო ცენტრში მუდმივი ფართობის გამოყოფის საკითხი საქართველოს საექსპოზიციო ჩვენებებისათვის. 

აღსანიშნავია, რომ საქართველოს საელჩო აქტიურად მუშაობს ქართული ღვინის პოპულარიზაციაზე ჩინეთის ბაზარზე, რაც ასევე გამოიხატა საქართველოდან ჩინეთში აღნიშნული პროდუქციის ექსპორტის მკვეთრ ზრდაში.

იმის გათვალისწინებით, რომ ქართული ღვინის რეალიზაცია საკმაოდ სწრაფი ტემპებით ხორციელდება ჩინეთის სხვადასხვა რეგიონში, ჩინელი პარტნიორების შეფასებით რეალურია, რომ მიმდინარე წელს ჩინეთში კიდევ რამდენიმე ახალი ქართული ღვინის ცენტრი გაიხსნას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი