25 დეკემბრის ღამეს, უკრაინულმა დრონებმა ტემრიუკის საზღვაო პორტს შეუტიეს, იტყობინება კრასნოდარის მხარის სამუშაო ჯგუფი.

„ორ ნავთობის შესანახ ავზს ცეცხლი გაუჩნდა. ხანძრის საერთო ფართობი დაახლოებით 2000 კვადრატული მეტრია“, - აღნიშნა სამუშაო ჯგუფმა.

წინასწარი ინფორმაციით, მსხვერპლი არ ყოფილა. ხანძრის ჩაქრობაში სამოცდაათი ადამიანი და 18 ერთეული ტექნიკა მონაწილეობდა. ღამის რეიდის დროს ასევე დაზიანდა კრასნოდარის მხარის შჩერბინოვსკის რაიონის სოფელ ნიკოლაევკაში მდებარე სასოფლო-სამეურნეო საწარმოს შენობები და ტექნიკა. დაშავებულები არ არიან და ხანძარი სწრაფად ჩააქრეს.

ტემრიუკის საზღვაო პორტი მდებარეობს აზოვის ზღვის ტემრიუკის ყურეში, ტამანის ნახევარკუნძულზე. მისი გამტარუნარიანობა წელიწადში 11,500 ტონაა. დრონებმა პორტს სამი კვირის წინ, 5 დეკემბერს შეუტიეს. შედეგად, დაზიანდა თხევადი ნავთობის გაზის (LPG) გადატვირთვის ტერმინალი, რომლის მეშვეობითაც რუსი და ყაზახი მწარმოებლების ნედლი ნავთობი ექსპორტირდება.

22 დეკემბერს უკრაინულმა დრონებმა კრასნოდარის მხარის კიდევ ერთ პორტს, ტამანს, დაესხა თავს, რომელიც ნავთობისა და ნავთობპროდუქტების გადაზიდვაზეა სპეციალიზებული. ორ ნავმისადგომთან დიდი ხანძარი გაჩნდა, რის შედეგადაც პორტის ერთ-ერთ ტერმინალში ორი გემი და მილსადენი დაზიანდა.

რუსეთის თავდაცვის სამინისტროს ანგარიშის თანახმად, ღამით საჰაერო თავდაცვის სისტემებმა 141 უკრაინული დრონი „ჩაჭრეს და გაანადგურეს“. კერძოდ, 62 ბრიანსკის ოლქში, 12 ტულის ოლქში, 11 კალუგის ოლქში, 9 მოსკოვის ოლქში, 8 ადიღეში და 7 კრასნოდარის მხარეში დაფიქსირდა. დრონები ასევე ჩამოაგდეს როსტოვის, ბელგოროდის, ვორონეჟის, კურსკისა და ვოლოგდას ოლქებში და ოკუპირებულ ყირიმში.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი