შეერთებულმა შტატებმა უნდა განაახლოს უკრაინის სამხედრო დახმარება რაც შეიძლება მალე და შეინარჩუნოს იგი საბრძოლო მოქმედებების შეწყვეტამდე. იმის გამო, რომ უკრაინის დაცემას უფრო უარესი შედეგები მოჰყვება, ვიდრე 2021 წელს ავღანეთში პროდასავლური ხელისუფლების დაცემას. ამის შესახებ რესპუბლიკელმა სენატორმა ლინდსი გრემმა Fox News-თან ინტერვიუში განაცხადა.

პოლიტიკოსმა გამოთქვა შეშფოთება უკრაინაში ამერიკული იარაღისა და დაზვერვის მიწოდების შეწყვეტის გამო ზელენსკის ტრამპთან დაპირისპირების შემდეგ.

"თუ ჩვენ დავხურავთ უკრაინას, ეს იქნება ავღანეთზე უარესი. მე არ ვფიქრობ, რომ პრეზიდენტ ტრამპს ამის სურვილი აქვს. სანამ ჩვენ ცეცხლს არ შევწყვეტთ, მე მივცემ უკრაინას იმას, რაც მას სჭირდება დაზვერვისა და იარაღის თვალსაზრისით, რათა დაიცვას თავი", - თქვა გრეჰემმა.
თუმცა, სენატორმა განაცხადა, რომ რუსეთის საბანკო სისტემისა და ენერგეტიკის სექტორის წინააღმდეგ დამატებითი სანქციები იქნება შემოღებული მომავალ კვირას, რათა რუსეთი მოლაპარაკების მაგიდაზე აიძულოს.

"მაგრამ უკრაინას მისთვის საჭირო იარაღის მიწოდების გარეშე, ეს მოლაპარაკებები უაზრო იქნება. კონფლიქტის მოგვარებაში დახმარება არ არსებობს, თუ უკრაინას არ ექნება დაზვერვა და რესურსები, რომ დაიცვას თავი, სანამ ბრძოლა გრძელდება. იმედი მაქვს, რომ მომავალ კვირას ჩვენ გვექნება მკაფიო ხედვა უკრაინისგან, როგორი უნდა იყოს ომის დასასრული და დავიწყებთ მუშაობას მის დასასრულებლად", - თქვა გრეჰემმა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი