ახალი დეტალები ჩნდება იმის შესახებ, თუ კონკრეტულად რა იარაღს გაუგზავნის აშშ უკრაინას პრეზიდენტი ჯო ბაიდენის მიერ გამოცხადებული ახალი 800 მილიონი დოლარის პაკეტის ფარგლებში.

პენტაგონის ცნობით, კიევი მიიღებს Javelin-ის ტანკსაწინააღმდეგო რაკეტების ახალ პარტიებს, კამიკაძეების დრონებს, ასევე:

11 Mi-17 ვერტმფრენი, რომლებიც ადრე ავღანეთში უნდა გაგზავნილიყო (ასეთი გეგმები ჰქონდა ვაშინგტონს მანამ, სანამ თალიბები ამ ქვეყანაში ძალაუფლებას დაიკავებდნენ).
18 155 მმ ჰაუბიცა;
საზენიტო და საარტილერიო რადარები;
200 M113 ჯავშანტრანსპორტიორი;
100 Humvee საბრძოლო ჯიპები;
ქიმიური, ბიოლოგიური და რადიაციული შეტევებისგან დაცვის აღჭურვილობა.

აშშ-ის პრეზიდენტმა ჯო ბაიდენმა გამოაცხადა უკრაინისთვის დამატებითი 800 მილიონი დოლარის სამხედრო დახმარების პაკეტის მიწოდების შესახებ, ამგვარად, თეთრი სახლი უკრაინას 2,4 მილიარდ დოლარზე მეტ იარაღს გამოყოფს.

ახალი პაკეტი, ბაიდენის თქმით, მოიცავს "ბევრ ეფექტურ იარაღს", რომელიც ადრე გადაეცა უკრაინულ ძალებს, ისევე როგორც ახალ საშუალებებს, რომლებიც საჭიროა ახალი "რუსეთის ფართო შეტევის აღმოსავლეთ უკრაინაში" მომზადების ფონზე.

„ეს ახალი აქტივები მოიცავს საარტილერიო სისტემებს, საარტილერიო ჭურვებს, ჯავშანტრანსპორტიორებს. მე ასევე დავამტკიცე ვერტმფრენების გადაცემა“, - განაცხადა ბაიდენმა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო