სოფლის მეურნეობის მინისტრი ლევან დავითაშვილი 2016  წლის  რთველის მიმდინარეობას წარმატებულად აფასებს.

დავითაშვილის თქმით, რთველის მიმდინარეობისას არანაირი ექსცესი, შეფეხრება, ან პრობლემა არ ყოფილა:

„რთველი ფაქტობრივად  მთელ საქართველოში დასრულდა. რთველის მიმდინარეობა ჩვენ შეგვიძლია შევაფასოთ საკმაოდ წარმატებულად, იმიტომ, რომ რთველის მიმდინარეობისას არ ყოფილა არანაირი ექსცესი, შეფეხრება, ან პრობლემა, მოსავლის აღების პროცესი ზოგადად ქვეყნის მასშტაბით სხვადასხვა კულტურებში მიმდინარეობს ასევე წარმატებით და ორგანიზებულად. ამის საფუძველი ის არის, რომ ბოლო წლებში მოსავლის დაბინავების კუთხით ღირებულებათა ჯაჭვში იმ ელემენტების გაძლიერება ხდება, რომელიც მოსავლის დაბინავების პრობლემებს ერთხელ და სამუდამოდ ქვეყანაში მოაგვარებს, აქ საუბარია საწარმოო სიმძლავრეების მნიშვნელოვან ზრდაზე, იმ დამატებით წახალისების მექანიზმებზე, რომელიც სახელმწიფომ ბოლო 4 წლის განმავლობაში შექმნა და რამაც ნამდვილად წაახალისა და გაზარდა ქვეყანაში თანამედროვე ტექნოლოგიების მქონე საწარმოების შესაძლებლობები. აქედან გამომდინარე რთველი ისე ჩატარდა, რომ არც ერთ მევენახეს არ ჰქონია არც ერთი კილოგრამი ყურძნის ჩაბარების პრობლემა. ბოლო 4 წლის განმავლობაში ჩვენ არ გვქონია სადმე, როდესმე ყურძნის ჩაბარებასთან დაკავშირებით შეფერხებები”,-განაცხადა ლევან დავითაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი