საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრს“ ავსტრიელი ექსპერტი მედიაციის საკითხებში მიჰაელ კოენინგსჰოფერი ეწვია.

ვიზიტი ევროკავშირის პროექტის “სისხლის სამართლის სისტემის რეფორმის მხარდაჭერა საქართველოში” დახმარებით შედგა. მიჰაელ კოენინგსჰოფერი ერთი კვირის განმავლობაში იმუშავებს დანაშაულის პრევენციის ცენტრთან სისხლის სამართლის მედიაციის განვითარების მიმართულებით.

8 მარტს მედიაციის სახლში ექსპერტმა სამუშაო შეხვედრა გამართა  პრაქტიკოს მედიატორებთან. სტუმარმა საკუთარი პრაქტიკიდან განსაკუთრებით რთული და საინტერესო საქმეები ქართველ კოლეგებს  გააცნო; ასევე, გაუზიარა ის გამოცდილებაც, თუ როგორ დაძლიეს მედიაციის სფეროში არსებული პრობლემები ავსტრიაში.

ვიზიტის ფარგლებში ასევე დაგეგმილია შიდა კონსულტაციები დანაშაულის პრევენციის ცენტრთან სისხლის სამართლის მედიაციის განვითარების საკითხებზე. მიჰაელი შეისწავლის საქართველოში არასრულწლოვანთა განრიდებისა და მედიაციის პროგრამის მიმდინარეობას, არსებულ მდგომარეობას, მოისმენს ცენტრის მოსაზრებებს და მოამზადებს რეკომენდაციებს ამ სფეროს განვითრების მიმართულებით.

ასევე, დაგეგმილია სისხლის სამართლის რეფორმის უწყებათაშორისი საბჭოს ფარგლებში ახალი ქვეჯგუფის პირველი შეხვედრის გამართვაც, რომელიც იმუშავებს სისხლის სამართალში მედიაციის ინსტიტუციური განვითარების საკითხებზე.

 მიჰაელ კოენინგსჰოფერი 30 წელია ავსტრიაში მედიაციის სფეროში მუშაობს; არის ერთ-ერთი დამფუძნებელი ავსტრიაში მედიაციის ცენტრის, მუშაობდა პრაქტიკოს მედიატორად. როგორც ცნობილია, საქართველოში არასრულწლოვანთა განრიდებისა და მედიაციის პროგრამის მენეჯმენტს სსიპ „დანაშაულის პრევენციის ცენტრი“ 2012 წლიდან ახორციელებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი