საქართველოს ეკონომიკისა და მდგრადი განვითარების მინისტრ გიორგი კვირიკაშვილის განცხადებით, ნავთობკომპანიების დაჯარიმების გადაწყვეტილება კონკურენციის სააგენტომ მიიღო და თუკი მათ პრეტენზიები აქვთ, შეუძლიათ სასამართლოს მიმართონ.

კვირიკაშვილის თქმით, თავად ამ პროცესში ვერ ჩაერევა.

"ნავთობკომპანიების დაჯარიმების გადწყვეტილება მიღებული იქნა კონკურენციის სააგენტოს მიერ. მათ აქვთ საშუალება, თუ არ ეთანხმებიან ამ ჯარიმას, გაასაჩივრონ  შესაბამისად სასამართლოში. ამიტომ, ჩემს კომენტარს ამ საკითხთან დაკავშირებით ვერ გავაკეთებ იმიტომ, რომ მთელი ეს საქმის წარმოება, კონკურენციის სააგენტოში მიმდინარეობდა",-განაცხადა გიორგი კვირიკაშვილმა.

ცნობისთვის, ნავთობკომპანიებმა განცხადება გაავბცელეს. ისინი ფიქრობენ, რომ მათზე დაკსირებული ჯარიმები ბიზნესგარემოზე უარყოფითად აისახება.

შეგახსენებთ, ქართულ ბაზარზე არსებულ ხუთ მსხვილ ნავთობკომპანიას კონკურენციის შესახებ კანონის დარღვევის გამო სანქციები დაეკისრა.

მათ 55 მილიონამდე ლარის ოდენობით ჯარიმის გადახდა მოუწევთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი