„ტარიფის ზრდა, რომ არ მომხდარიყო, სისტემა სრული კოლაფისიკენ მიდიოდა“,-ამის შესახებ „ენეგო-პრო ჯორჯიას“ დირექტორის მოადგილემ მიხეილ ბოცვაძემ ჟურნალისტებს სემეკის სხდომის დასრულების შემდეგ  განუცხადა.

როგორც ბოცვაძემ აღნიშნა, კომპანია ტარიფის უფრო მეტ ზრდას ითხოვდა.

 „ჩვენი გათვლით 2015 წლის ჭრილში ჩვენს მიერ შესყიდული ელექტროენერგიის ფასის ზრდა ჩვენი პროგნოზით  4,8 თეთრით არის მოსალოდნელი. სამწუხაროდ,  კვლავ ვერ შევჯერდით და ვერ გამოვნახეთ საერთო ენა კომისიასთან. მიღებულია სხვა გადაწყვეტილება. ზრდა დაახლოებით  3,95 თეთრია.  კომპანია ადასტურებს, რომ თუ ჩვენი პროგნოზი გამართლდა და 4, 8 თეთრით ზრდა მოგვიწია სარეაბლიტაციო სახსრების მიმართვა ისევ ელექტროენერგიის შესყიდვაზე უნდა მოხდეს. საწუხაროდ, ხარისხს ვერ გავაუმჯობესებთ. ავღნიშნეთ,ზრდა რომ არ მომხდარიყო სისტემას კოლაფსი ემუქრებოდა. მადლობა კომისიას რომ არ წავედით ამ გზით. ეს არის პირველი ამოსუთქვის საშუალება. მაგრამ თუ ისევ გაგვეზარდა ელექტროენერგიის ღირებულება იმპორტირებული  ელექტროენერგია უფრო გაგვიძვირდა, თუ ოდნავ შეიცვლება ვალუტის კურსი ჩვენ ისევ დავდგებით დიდი პრობლემის წინაშე“,-განაცხადა ბოცვაძემ.

ბოცვაძის განმარტებით, აბონენტების მიერ აგვისტოს განმავლობაში მოხმარებული ელექტროენერგია მათ სექტემბერში დაერიცხება და ახალი ტარიფით დაანაგარიშებული ქვითარი 5 -დან 10 სექტემბრამდე მიუვათ.

მისივე თქმით, „ენერგო პრო-ჯორჯიას“ მოთხოვნები ბოლომდე არ დაკმაყოფილდა, რის გამოც   მათი  პროგნოზის დადასტურების შემთხვევაში, კომპანია კანონმდებლობით  გათვალისწინებულ უფლებას გამოიყენებს და კომისიას ტარიფის ზრდის მოთხოვნით კვლავ მიმართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი