ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე თურქეთში რუსეთის ელჩის მკვლელობას გამოეხმაურა.

მინისტრმა მომხდარს ტერორისტული აქტი უწოდა. მან იმედი გამოთქვა, რომ მომხდარი ორი ქვეყნის ურთიერთობებზე ცუდად არ იმოქმედებს.

„საზარელი ფაქტია, გარდაცვლილია ადამიანი დიპლომატიური მოვალეობის დროს. ვფიქრობ, რომ ეს არის ტერორისტული ფაქტი. იმედი მაქვს, რომ ეს ფაქტი არ იმოქმედებს ორ ქვეყანას შორის ურთიერთობების დაძაბვაზე, რამეთუ რეგიონში რუსეთ-თურქეთის ურთიერთობების სტაბილურობას საერთო რეგიონული ურთიერთობებისთვის დიდი მნიშვნელობა ენიჭება“, - განაცხადა დოლიძემ.

ცნობისთვის, თურქეთში რუსეთის ელჩს ანდრეი კარლოვს თავს დაესხნენ. მიყენებული ცეცხლნასროლი ჭრილობების შედეგად, ელჩი საავადმყოფოში გადაყვანამდე გარდაიცვალა. თავდამსხმელი სამართალდამცველების მიერ ადგილზევე იქნა ლიკვიდირებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ