საჯარო რეესტრის თავმჯდომარე საერთაშორისო სავალუტო ფონდის წარმომადგენლებს შეხვდა

2015-03-09 16:40:33, 467 ნახვა

საზოგადოება

საჯარო რეესტრის ეროვნული სააგენტოს თავმჯდომარე პაპუნა უგრეხელიძე საერთაშორისო სავალუტო ფონდის (IMF) წარმომადგენლებს შეხვდა .

შეხვედრაზე პაპუნა უგრეხელიძემ უცხოელ სპეციალისტებს ქვეყანაში არსებული საკადასტრო მდგომარეობის, უძრავი ქონების ბაზრის, სარეგისტრაციო პროცედურების, მონაცემთა სიზუსტის, აქტებისა და მიწის რეგისტრაციის რუკაზე ასახვის, მიწის ნაკვეთებისა და საკუთრების უფლებების რაოდენობის შესახებ დეტალური ინფორმაცია მიაწოდა. მისიის წარმომადგენლები მიწის ადმინისტრირების პროცესში GIS-ის როლისა და უძრავი ქონების მფლობელობის შესახებ სტატისტიკითაც დაინტერესდნენ.

შეხვედრაზე მხარეებმა მფლობელობის შეცვლასთან დაკავშირებული პროცედურები, აღსრულებასთან მიმართებაში მისაღები ზომები, სახელმწიფო და კერძო საკუთრება, საცხოვრებელი და კომერციული უძრავი ქონების ინვენტარის საერთო ღირებულების შესახებ მონაცემები და ფისკალური კადასტრის საიმედოობაც განიხილეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან