ევროკავშირის ოფიციალურმა პირებმა Reuters-ს განუცხადეს, რომ ევროკომისია უკრაინისთვის ევროკავშირში ლიმიტირებული უფლებებით დაჩქარებულ გაწევრიანებას განიხილავს.

წყაროების მიხედვით, ეს იდეა, რომელიც ადრეულ ეტაპზეა, განიხილება როგორც შესაძლო ჟესტი უკრაინელების მიმართ, რომლებიც ევროკავშირში გაწევრიანებას ომის შემდგომი უსაფრთხოების გარანტიის ნაწილად ხედავენ.

წყაროების თქმით, 2027 წელს უკრაინის ევროკავშირში გაწევრიანება, რომელიც აშშ-სა და უკრაინის მიერ შემუშავებულ 20-პუნქტიან სამშვიდობო გეგმაში იყო გაწერილი, ევროკავშირის წევრების ნაწილის აზრით არარეალისტურია, რადგან ევროკავშირში გაწევრიანება ამჟამად დამსახურებაზე დაფუძნებული პროცესია და წინ მხოლოდ მაშინ მიიწევს, როდესაც ქვეყანა თავისი კანონმდებლობის ევროკავშირის სტანდარტებთან მისადაგებაში პროგრესს აღწევს.

ასევე, ბლოკში გაწევრიანება ევროკავშირის 27 წევრი სახელმწიფოს მთავრობებისა და ეროვნული პარლამენტების თანხმობას მოითხოვს. წყაროების თქმით, დაჩქარებული წევრობის იდეა ტრადიციული პროცესის შებრუნებას გულისხმობს, თუმცა შეზღუდული წევრობაც კი ევროკავშირის მთავრობებისა და ეროვნული პარლამენტების თანხმობას კვლავ საჭიროებს.

"უნდა ვაღიაროთ, რომ დღეს სრულიად განსხვავებულ რეალობაში ვიმყოფებით, ვიდრე მაშინ, როდესაც [გაწევრიანების] წესები პირველად შემუშავდა" - განუცხადა ერთ-ერთმა ევროკავშირის ოფიციალურმა პირმა Reuters-ს.

მისი თქმით, აღნიშნული გეგმის მიხედვით უკრაინა და პოტენციურად სხვა კანდიდატი ქვეყნებიც, ევროკავშირში სწრაფად გაწევრიანდებიან და შემდეგ ხმის მიცემის უფლებებზე ეტაპობრივ წვდომას სრული წევრობის კრიტერიუმების დაკმაყოფილებისკენ მათი პროგრესის შესაბამისად მიიღებენ.

ავტორი: ექსპრესნიუსი,

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ