ბელარუსში აშშ-ის პრეზიდენტის სპეციალურმა წარმომადგენელმა, ჯონ კოულმა, განაცხადა, რომ აშშ ბელარუსულ კალიუმზე სანქციებს ხსნის.

„ბელტას“ ცნობით, ამის შესახებ მან განცხადება ბელარუსში ვიზიტის მეორე დღეს გააკეთა.

აღნიშნულია, რომ თვითგამოცხადებული ბელორუსის პრეზიდენტ ალექსანდრე ლუკაშენკოსა და აშშ-ის სპეციალურ წარმომადგენელს შორის მოლაპარაკებები შაბათს, 13 დეკემბერს გაგრძელდა.

„პრეზიდენტ ტრამპის მითითებების შესაბამისად, აშშ კალიუმზე სანქციებს ხსნის. ვფიქრობ, ეს აშშ-ს მხრიდან ბელარუსისთვის ძალიან კარგი ნაბიჯია. ჩვენ ახლა მათ ვაუქმებთ“, - განაცხადა კოულმა.

მან აღნიშნა, რომ სანქციებზე დისკუსიები გაგრძელდება.

„ორ ქვეყანას შორის ურთიერთობების ნორმალიზებასთან ერთად, სულ უფრო მეტი სანქცია მოიხსნება“, - თქვა აშშ-ის წარმომადგენელმა.

კოულმა ასევე იმედი გამოთქვა, რომ მომავალში ორივე მხარე მიაღწევს სიტუაციას, როდესაც სანქციები აღარ იქნება დაწესებული.

დონალდ ტრამპის ადმინისტრაცია ცდილობს მინსკის რეჟიმთან კონტაქტის დამყარებას, რასაც 52 ბელორუსი პოლიტპატიმრის გათავისუფლება ადასტურებს.

ამ ძალისხმევის ფარგლებში, აშშ-მ ბელარუსის სახელმწიფო ავიაკომპანია „ბელავიას“ სანქციები მოხსნა.

ასევე, სამშაბათს, 4 ნოემბერს, აშშ-ის ფინანსთა სამინისტრომ ბელარუსის წინააღმდეგ სანქციების ნაწილი შეამსუბუქა, ეროვნული ავიაკომპანიის წინააღმდეგ ზომები მოხსნა და ლუკაშენკოს თვითმფრინავთან დაკავშირებული ოპერაციების განხორციელება დაუშვა.

ავტორი: ექსპრესნიუსი,

სოციალური ქსელები

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ