ვარლამ გოლეთიანის განცხადებით, კერძო აუდიტი „რიონის ხეობის მცველების“ საფინანსო ხარჯებს შეისწავლის და გამოაყვენებს.

ამის შესახებ „რიონის ხეობის მცველმა“ გუმათის დასახლებაში აქციის ადგილზე განაცხადა.

მან ასევე მოუწოდა იმ პარტიებსა და პირებს, რომლებიც მათ დაფინანსებებზე ღიად საუბრობენ, გამოაქვეყნონ თავიანთი პარტიებისა და ორგანიზაციების დაფინანსებებიც.

„როდესაც ამდენი ამდამიანი ვდგავართ, უჩნდებათ განცდა, რომ შეიძლება შედეგი არ მოჰყვეს. წარმოიდგინეთ როდესაც 5 ვიყავით ჩვენ, მაშინ ითქვა, ეს მაკას პოზიცია იყო, რომ ჩვენ მთავარია ვიყოთ ღმერთის წინაშე მართალი, როცა შეგვეკითხებიან ჩვენი მომავალი თაობები რას აკეთებდით თქვენ, როდესაც ესეთი რამ ხდებოდა, ჩვენ ვიქნებოდით პირნათელი ყველანაირად, მიუხედავათ იმისა მოვიპოვებთ თუ არა ჩვენ გამარჯვებას.

რაც შეეხება ჩვენს ხარჯებსა და ბიუჯეტს, რაზეც ღიად საუბრობენ, ვიტყვი, რომ ჩვენი ემიგრანტების დიდი ჩართულობაა ამ ბრძოლაში, ასევე აქ მყოფი ადამიანების პირადი ფინანსებითაც ძალიან ბევრი საქმე კეთდება და ეს არის ალბათ დამოუკიდებელი საქართველოს ისტორიაში უპრეცედენტო შემთხვევა.

ასევე მინდა ვთქვა, რომ ჩვენ დავიქირავეთ აუდიტი, რომელიც შეისწავლის ყველა ხარჯსა და ფინანსებს, ეს მონაცემები კი გამოქვეყნდება ჩვენს „ფეისბუქ“ გვერდზე. ხოლო ის პოლიტიკური პარტიები და ტელევიზიები, რომლებიც ამ თემაზე ღიად საუბრობენ, მოვუწოდებ, რომ ყველამ გამოაქვეყნოს თავიანთი დაფინანსებები“ , - განაცხადა ვარლამ გოლეთიანმა.

ავტორი: ექსპრესნიუსი,

სოციალური ქსელები

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა

აშშ-მ რუსულ ნავთობზე დაწესებული სანქციები კიდევ ერთი თვით შეამსუბუქა, მიუხედავად იმისა, რომ თქვა სანქციებს არ შეამსუბუქებდა

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ