„ნიკა მელიას იმხელა ენერგია და იმხელა დრაივი აქვს, რომ ერთი წამით არ შეუძლია დაჯდეს, რაც არის გამარჯვების საწინდარი“, - ამის შესახებ საქართველოს ექსპრეზიდენტმა მიხეილ სააკაშვილმა განაცხადა.

მან ასევე აღნიშნა, რომ ნიკა მელიამ ძალიან მაღალი ტალღა აწია ქართველი ხალხის დასახმარებლად.

„ძალიან ბედნიერი ვარ, რომ ნამდვილი გმირი, ნიკა მელია არის ჩამოსული კიევში ხანმოკლე, ძალიან დატვირთული სამუშაო ვიზიტით.

მე მის ადგილზე დავისვენებდი ციხის მერე. მაგრამ, რასაც ვატყობ, იმხელა ენერგია და იმხელა დრაივი აქვს, რომ ერთი წამით არ შეუძლია დაჯდეს, რაც არის გამარჯვების საწინდარი, იმიტომ, რომ მართლა ძალიან დიდი გეგმები აქვს ნიკას. ძალიან მაღალი ტალღა აწია ქართველი ხალხის დასახმარებლად.

ძალიან ვამაყობ, რომ მისი თანამებრძოლი ვარ, ძალიან აღფრთოვანებული ვარ გამბედაობით და შეუვალობით, პრინციპულობით, რაც გამოიჩინა.

მგონი, ჩვენს ხალხს ყველაფერი გამოუვა, იმიტომ, რომ სხვანაირად არ შეიძლება. ამდენი ხანი ელოდება ხალხი რაღაც შვებას და წინსვლას“, - განაცხადა მიხეილ სააკაშვილმა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო