თბილისის მერი დავით ნარმანია ესპანელ და სომეხ ბიზნესმენებს შეხვდა. ესპანური კომპანია “Imabel Iberica”-ს კომერციული დირექტორი, ხავიერ ვეგა და ფონდ „აიდეა“-ს ხელმძღვანელი რუბენ ვარდანიანი თბილისში EBRD-ის კონფერენციის ფარგლებში იმყოფებიან.

დავით ნარმანიამ უცხოელ ბიზნესმენებს არსებული ბიზნეს-გარემო გააცნო და გამარტივებული ადმინისტრაციული პროცედურების შესახებ ინფორმაცია მიაწოდა.

როგორც შეხვედრაზე დავით ნარმანიამ აღნიშნა, მნიშვნელოვანია, რომ  უცხოელ ბიზნესმენებს  შესაძლებლობა, ადგილზე გაეცნონ ვითარებას. მისივე თქმით, დედაქალაქის მერია მზად არის, დაეხმაროს დაინტერესებულ ბიზნესმენებს და ხელი შეუწყოს ინვესტიციების განხორციელებაში.

„EBRD-ის კონფერენციის ფარგლებში ჩამოსული ბიზნესმენები დაინტერესდნენ, რა სახის პროექტების განხორციელებაა შესაძლებელი თბილისში.  ჩვენ მათ მივაწოდეთ ინფორმაცია უძრავ ქონებასთან და გამარტივებულ ადმინისტრაციულ პროცედურებთან დაკავშირებით და გავაცანით ასევე ის ინფორმაცია, რაც  ბიზნეს-იდეების განხორციელებაში დაეხმარებათ“, - განაცხადა დავით ნარმანიამ.

როგორც ესპანური კომპანია “Imabel Iberica”-ს კომერციულმა დირექტორმა, ხავიერ ვეგამ განაცხადა, კომპანია საქართველოში ნარჩენების მართვის მიმართულებით დაინტერესდა.

„კმაყოფილები ვართ დღევანდელი შეხვედრით.  საქართველოში გვაქვს კონკრეტული ბიზნეს-გეგმები, რომელსაც განვახორციელებთ. ვმუშაობთ გარემოს დაცვისა და ნარჩენების გადამუშავების სფეროში და ვფიქრობთ, საქართველოში ამ მიმართულებით ინვესტიციას განვახორხციელებთ“, - განაცხადა ესპანური კომპანიის ხელმძღვანელმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი