ოკუპირებულ აფხაზეთში ფსოუს ე.წ. სასაზღვრო-გამშვებ პუნქტზე მიმოსვლა "ვიზის" გარეშე რუსეთის და იმ ქვეყნების მოქალაქეებისთვის იქნება შესაძლებელი, ვინც ოკუპირებული რეგიონის "დამოუკიდებლობა" აღიარა, - ამის შესახებ Apsny იუწყება.

მედია საშუალების ინფორმაციით, აღნიშნული გადაწყვეტილება ოკუპირებულ აფხაზეთში ტურისტული სეზონის დაწყებასთან დაკავშირებით მიიღეს. კერძოდ კი, ე.წ. საზღვარზე ტურისტების რიგების თავიდან ასაცილებლად. 

როგორც Apsny წერს, "უვიზო" რეჟიმი მხოლოდ 2 კვირით დარჩენის მსურველებზე ვრცელდება. აღსანიშნავია, რომ თუ ტურისტებს ოკუპირებული რეგიონის დასავლეთ ნაწილში მოუნდებათ მოგზაურობა, მათთვის ე.წ. ვიზების აღება "სასაზღვრო-გამშვებ" პუნქტზე სავალდებულო იქნება, თუმცა გამარტივებული წესით.

"უვიზოდ შემოვლენ ისინი ვინც აფხაზეთის დამოუკიდებლობა აღიარეს. ასევე ყაზეხეთის და ბელარუსის მოსახლეობაც", - აღნიშნა ე.წ. საგარეო საქმეთა მინისტრის მოადგილე, კან ტანიამ.  

დე ფაქტო საგარეო საქმეთა სამინისტროს საკონსულო დეპარტამენტის უფროსის მოადგილის, ლაშა ავიძბას განცხადებით, ასეთი დოკუმენტის გაფორმებას, 2-3 წუთი დასჭირდება. მისი ვარაუდით, ე.წ. ვიზის აღება დაახლოებით 7-8 ათასამდე ადამიანს დასჭირდება.

დე ფაქტო მთავრობის გადაწყვეტილებით, 1 თვიანი ტურისტული ვიზის საფასური - 350 რუბლს შეადგენს, 6 თვემდე - 700 რუბლs, ხოლო ტურისტული ვიზა ჯგუფზე - 350 რუბლი ეღირება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო