დღეს ბათუმში ახალი სასტუმრო ,,ირეპალასი" გაიხსნა. სასტუმროს გახსნას აჭარის მთავრობის თავმჯდომარე ზურაბ პატარაძე დაესწრო. მთავრობის თავმჯდომარემ ახლადგახსნილი სასტუმრო მთავრობის წევრებთან ერთად დაათვალიერა.

ზურაბ პატარაძემ ბათუმში კიდევ ერთი სასტუმროს გახსნის ფაქტს სასიხარულო უწოდა და იმედი გამოთქვა, რომ ქალაქის ცენტრში მდებარე თანამედროვე სტანდარტების სასტუმრო მიმზიდველი იქნება ტურისტებისთვის.

"ძალიან მნიშვნელოვანია, რომ ტურისტული სეზონის დაწყებამდე, კიდევ ერთი ახალი სასტუმრო შეემატა ჩვენს ქალაქს. ეს არის საოჯახო ტიპის სასტუმრო, რომელიც 40 ნომერზეა გათვლილი. დარწმუნებული ვარ ბევრი სტუმარი კომფორტულად დაისვენებს ამ სასტუმროში. მილიონ დოლარზე მეტი ადგილობრივი ინვესტიცია განხორცილედა, რაც ძალიან მნიშვნელოვანია" - აღნიშნა ზურაბ პატარაძემ.

აღნიშნული სასტუმროს მოწყობა 2016 წელს დაიწყო. პროექტში 1, 500 000 დოლარის ინვესტიცია განხორციელდა. 8 სართულზე განთავსებულ სასტუმრო 40 ნომერს მოიცავს, რაც 80-მდე განთავსების ადგილია. ,,ირეპალასში" ამ ეტაპზე 15 ადგილობრივია დასაქმებული, რომელთა რიცხვი ზაფხულის სეზონზე კიდევ უფრო გაიზრდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი