"რუსეთთან მიმართებაში პრაგმატული პოლიტიკა ერთადერთი სწორი გზაა",-ამის შესახებ საქართველოს პრეზიდენტმა გიორგი მარგველაშვილმა კიევში ვიზიტის დროს, უკრაინულ ონლაინგამოცემა день-თან ინტერვიუში განაცხადა.

„რუსეთთან მიმართებით პრაგმატული პოლიტიკა ერთადერთი სწორი გზაა. ჩვენ გვაქვს პოზიტიური წინსვლა კულტურისა და ვაჭრობის მიმართულებით, მეორე მხრივ კი, არის ნეგატიური ფაქტი, 2014 წლის ბოლოს რუსეთის მიერ ხელმოწერილი დოკუმენტი ოკუპირებულ ტერიტორიებთან. რაციონალური პოლიტიკის ინტენსიური წარმოებით საქართველო აჩვენებს მსოფლიოს, რომ მისი კეთილმეზობლური ურთერთობა მიმართულია პრობლემების არა საომარი, არამედ დიპლომატიური გადაჭრისკენ. ყველა ხედავს, რომ ჩვენ რაციონალურად ვმოქმედებთ, ხოლო რუსული მხარის პასუხები ამის ფონზე არის უფრო აგრესიული", - განაცხადა გიორგი  მარგველაშვილმა.

ამასთან, მარგველაშვილს კითხვა სააკაშვილისა და საქართველოს ხელისუფლების ყოფილი მაღალჩინოსნების  უკრაინაში მაღალ თანამდებობებზე დანიშვნის შესახებაც დაუსვეს. გიორგი მარგველაშვილის მტკიცებით, ეს ფაქტი ორ ქვეყანას შორის ურთიერთობებს არ გააფუჭებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი