ლექვინაძე: ერთი ხელის მოსმით, ბაზრის ტერიტორიების გაწმენდა არაჰუმანურია

2016-04-21 15:42:45, 1067 ნახვა

კომენტარი

ერთი ხელის მოსმით ბაზრობის ტერიტორიების გაწმენდა, ვფიქრობთ არაჰუმანურია, - ამის შესახებ თბილისის მერის მოადგილემ, ირაკლი ლექვინაძემ გარე მოვაჭრეების საწინააღმდეგო აქციის კომენტირებისას განაცხადა.

მისი თქმით, გარე ვაჭრობის გაუქმება, სოციალურად გაჭირვებულების მდგომარეობას კიდევ უფრო გაამწვავებს.

„ერთი ხელის მოსმით ბაზრობის ტერიტორიების გაწმენდა, ვფიქრობთ, არის არაჰუმანური და არ არის გამართლებული იმ ადამიანების მიმართ, ვისაც სოციალურად უჭირს. თუმცა, ალტერნატიული შეთავაზება შესაძლებელია. მე უბრალოდ შემიძლია მოსახლეობას ვთხოვო, და მათი ჯანმრთელობის საკითხია ეს და არა სხვისი, ქუჩაში ვაჭრობა, ქუჩაში შესყიდული ასეთი ტიპის პროდუქტი მათი ჯანმრთელობისთვის არანაირად სასარგებლო არ არის“, - განაცხადა ლექვინაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან