ბიზნესმენმა, ლევან ვასაძემ ''ქრონიკის'' ეთერში საქართველოში განათლების პრობლემებზე ისაუბრა და აღნიშნა, რომ ''თუ ასე გაგრძელდა, ჩვენი შვილები საუკეთესო შემთხვევაში იქნებიან ოფიციანტები,'' ვასაძემ იქვე განაცხადა, რომ საქართველოში განათლების და ინტელექტის დონე ძალიან დაბალია.

''ჩვენი ლიბერალები ხომ ამბობენ გვინდა წარმატებული თაობაო, მე მინდა რომ ჩვენი შვილები იყვნენ წარმატებულები, ამისათვის მათ უნდა იცოდნენ მაგარი მათემატიკა, ფიზიკა, ინგლისური... ამის ხარჯზე ხდება ამ პანჭი-პუნჭა საგნების შემოღება. საქართველოში განათლების და ინტელექტის დონე დავარდნილია იატაკამდე და თამუნა და მისი მოადგილეები აღმა-დაღმა კი არ უნდა დადიოდნენ და ამ სისულელეებს არ უნდა ნერგავდნენ'' - განაცხადა ლევან ვასაძემ.

მისივე თქმით, ბოლო პერიოდში მნიშვნელოვან საგნებში აბიტურიენტების ჩაბარების მაჩვენებელი დაბალია და ამ ყველაფრის მიზეზად მან განათლების სამინისტრო დაასახელა, რომელიც ნორმალულ განათლებაზე ფულს და რესურსებს არ ხარჯავს.

''ეს პირდაპირ გავლენას ახდენს ჩვენი შვილების მომავალზე და ეს დავარდნა იმიტომ არის, რომ სამინისტრო ნორმალურ განალებაზე ფულს და რესურსებს არ ხარჯავს. ამის ახსნას ვცდილობ თქვენთვის და ის დამკვეთები, რომლებმაც თქვენ ლიბერალიზმი გასწავლათ და აგიხსნეს, რომ უნდა განთავისუფლდეთ მორალისა და ეთიკისგან, ეკლესიისგან და საქართელოს ძველი ტრადიციებისგან და თქვენ მოხვდებით თავისუფლებაშიო. თუ ასე გაგრძელდა, ჩვენი შვილები საუკეთესო შემთხვევაში იქნებიან ოფიციანტები, ღმერთმა დაიფაროს. მე არაფერს ვერჩი ოფიციანტებს, ჩემი შვილიც ოფიციანტად მუშაობდა და არაფერი ცუდი არ არის, მაგრამ მე კიდევ გეუბნებით, რომ ეს არის ყველაფერი ტყუილი და ჩვენთვის მნიშვნელოვანია ნამდვილი განათლება'' - განაცხადა ბიზნესმენმა, ლევან ვასაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს

რეჟიმმა ჯარის მოწამვლის საქმეში ბრალდებული „ბატონოსა“ და „კულას“ მფლობელი გაათავისუფლა

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს