ადვოკატ კახა შონიას განცხადებით, მის დაცვის ქვეშ მყოფ კრიმინალური პოლიციის დეპარტამენტის დირექტორის ყოფილ მოადგილეს ირაკლი ფირცხალავას  დაკავებულის სტატუსი აქვს.
ამის შესახებ შონიამ მთავარ პროკურატურასთან ჟურნალისტებს განუცხადა.
მისივე განმარტებით, ირაკლი ფირცხალავა  9:30 საათზე დააკავეს და უფლებები განუმარტეს. რაც შეეხება თბილისის სპეცდანიშნულების რაზმის ყოფილ მეთაურს,  კახა ნაკანს,  ასევე მისი ადვოკატის, კახა შონიას განცხადებით,  ამ დროისთვის მისთვის უცნობია, თუ რა სტატუსით იმყოფება ნაკანი პროკურატურაში.
ცნობისთვის,  დილით გავრცელდა ინფორმაცია, რომ კორტების სპეცოპერაციასთან დაკავშირებით,  კრიმინალური პოლიციის დეპარტამენტის დირექტორის ყოფილი მოადგილე ირაკლი ფირცხალავა, შსს-ს კრიმინალური პოლიციის დეპარტამენტის სამძებრო სამმართველოს მე-6 განყოფილების ყოფილი გამომძიებელი ლევან ბეროძე და თბილისის სპეცდანიშნულების რაზმის ყოფილი მეთაური კახა ნაკანი დააკავეს. ირაკლი ფირცხალავას დაკავება ადვოკატმა დაადასტურა, დანარჩენების პროკურატურაში ყოფნის სტატუსი კი, ჯერჯერობით გაურკვეველია. ასევე,  ადვოკატ დარეჯან გელაშვილის ინფორმაციით,  რომელიც პროკურატურაში მივიდა, დაკავებულია კიდევ სამი ყოფილი სპეცრაზმელი- ჩაკვეტაია, ალელიშვილი და ჯაფარიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი