„ქართული ოცნება“ საკუთარ ამომრჩეველსაც შეურაცხყოფას აყენებს“, - ამის შესახებ პარტია „საქართველოსთვის“ წევრმა, ნათია მეზვრიშვილმა ტელეკომპანია „პირველის“ ეთერში განაცხადა.

მან ასევე აღნიშნა, რომ ირაკლი კობახიძემ პირდაპირ ეთერში ზღაპრები მოყვა.

„იურისტია ირაკლი კობახიძე, რომელიც გუშინ ეთერში საუბრობდა, თან მაღალი დონის კონსტიტუციონალისტობაზე აქვს პრეტენზია.

პირდაპირ ეთერში დანაშაულის ნიშნების შემცველ ინფორმაციას ავრცელებს, ზღაპრებს ჰყვება და როცა ვეუბნებით, რომ დაიწყონ გამოძიება, იმდენად არ სცემს პატივს ინსტიტუტებს, არ აინტერესებს, აკნინებს სამართალდამცავ ორგანოებს, უსაფრთხოების სამსახურს, პროკურატურას, რომ მათ მივმართავთ და ის გვცემს პასუხს, რომ მისი გაცხადებები არ შეიცავს დანაშუალის ნიშნებს.

საკუთარ ამომრჩეველსაც შეურაცხყოფას აყენებს „ქართული ოცნება“. გუშინ პირდაპირ გეტყვით, ვუყურებდი მე ამ ადამიანს და სიმართლე გითხრათ, ცოტა შევშფოთდი.

დარწმუნებული ვარ, რომ ქართული საზოგადოებაც შეშფოთდა. შემაშფოთა იმან, რომ ასეთი ადამიანები არიან დღეს სახელმწიფო მართვის სადავეებთან, ასეთ ადამიანებს ქვეყნის უსაფრთხოება აბარიათ, ქვეყნსის ბედი აბარიათ“, - განაცხადა ნათია მეზვრიშვილმა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი