"ამ დილით COVID 19-ის ტესტმა დადებითი შედეგი მიჩვენა. თავს კარგად ვგრძნობ, სიმპტომები არ მაქვს, მაგრამ იზოლაციაში ვიმყოფები. დარჩით სახლებში და იყავით წინდახედულები. ჩემს შესახებ ინფორმაციას აქ შეგატყობინებთ. არანაირი პანიკა"-დაწერა მსახიობმა საკუთარ "ტვიტერში".
როგორც Hollywoodreporter წერს, ელბამ იცოდა, რომ მას ურთიერთობა ჰქონდა ადამიანთან, რომელსაც COVID 19 დაუდგინდა. მას ტესტი პარასკევს აუღეს და სანამ პასუხს გაიგებდა, რაც დღეს დილით მოხდა, თვითიზოლაციაში დარჩენა ამჯობინა.
ტომ ჰენქსი, რიტა უილსონი, მოდელი ოლგა კურილენკო, კანადის პრემიერ-მინისტრის მეუღლე სოფი გრეგუარ ტრიუდო და ახლა უკვე მსახიობი იდრის ელბა-ასეთია ცნობადი ადამიანების სია, რომლებსაც ახალი კორონავირუსი უკვე დაუდგინდათ.
შეგახსენებთ, რომ კორონავირუსის მსხვერპლი მთელი მსოფლიოს მასშტაბით 6500 ადამიანს შეადგენს და ეს რიცხვი დღითიდღე იზრდება. მეცნიერები ანტიდოტის შექმნაზე აქტიურად მუშაობენ. აშშ-ში შესაძლო ვაქცინის ტესტირება ადამიანზე უკვე დაწყებულია.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს

პენტაგონი ჰეგსეთის „ლოცვის“ „Pulp Fiction“-დან რომელიც ბიბლიაში არ არსებობს ახსნა შეეცადა