გურჯაანის მუნიციპალიტეტი ღვინის ფესტივალის ფარგლებში გამართულ კონცერტში მომღერლებს 57 660 ლარს გადაუხდის.

სახელმწიფო შესყიდვების სააგენტოზე გამოქვეყნებული დოკუმენტაციის მიხედვით, 11 ოქტომბერს დაგეგმილ "გურჯაანის ღვინის ფესტივალის" ფარგლებში კონცერტი გაიმართა, რომელშიც მონაწილეობას მიიღებენ ,,ქართული ხმები", ,,უნისონი (კვარტეტი)“, ,,თეატრალურის კვარტეტი “, თბილისური კვარტეტი", დავით სირბილაძე, დავით არჩვაძე, გიგი ჭიპაშვილი და არჩილ ნიჟარაძე.

"2025 წლის 11 ოქტომბერს გურჯაანში გაიმართება „გურჯაანის ღვინის ფესტივალი“, რომლის ფარგბელშიც დაგეგმილია საქართველოში მოქმედი ცნობილი მუსიკალური ჯგუფებისა და შემსრულებლების მონაწილეობით კონცერტის ორგანიზება.

გიზიარებთ შერჩეულ შემსრულებლებს, რომლებიც არიან საქართველოს საავტორო უფლებათა ასოციაციის (IPOA) კოლექტიური მართვის ორგანიზაციის წევრები: ქართული ხმები, უნისონი კვარტეტი, თეატრალურის კვარტეტი, თბილისური კვარტეტი, დავით სირბილაძე, დავით არჩვაძე, გიგი ჭიპაშვილი, არჩილ ნიჟარაძე.

შემსრულებლებთან შეთანხმებული ანაზღაურების შესაბამისად, მომსახურების ღირებულება შეადგენს შემდეგს:

1. ქართული ხმები – 22 480 ლარი;
2. უნისონი (კვარტეტი) – 5 000 ლარი;
3. თეატრალურის კვარტეტი – 8 940 ლარი;
4. თბილისური კვარტეტი – 6 000 ლარი;
5. დავით სირბილაძე – 3 000 ლარი;
6. დავით არჩვაძე – 3 000 ლარი;
7. გიგი ჭიპაშვილი – 6 240 ლარი;
8. არჩილ ნიჟარაძე – 3 000 ლარი.

ზემოაღნიშნულიდან გამომდინარე, გთხოვთ, დაავალოთ მერიის შესაბამის სამსახურებს მოქმედი კანონმდებლობის შესაბამისად, განახორციელოს შესაბამისი დოკუმენტაციის გაფორმება და შემსრულებლებთან მომსახურების შეძენა განხორციელდეს ექსკლუზიური უფლებამოსილების საფუძველზე, ჯამური ღირებულებით 57 660 ლარი", - აღნიშნულია სააგენტოზე გამოქვეყნებულ დოკუმენტში.

გურჯაანის ადგილობრივი მთავრობა სააგენტოსგან გამარტივებულ შესყიდვაზე ნებართვას ითხოვს.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული