სომხეთს შეუძლია ამ რეგიონის ეკონომიკური განვითარების მნიშვნელოვან საყრდენად იქცეს, - ამის შესახებ აშშ-ს ვიცეპრეზიდენტმა, ჯეი დი ვენსმა ერევანში ოფიციალური ვიზიტის დროს განაცხადა.

"მჯერა, რომ ახლა იმ ეტაპზე ვართ, როდესაც სომხეთს შეუძლია ამ რეგიონის ეკონომიკური განვითარების მნიშვნელოვან საყრდენად იქცეს. ეს არა მხოლოდ ხელს შეუწყობს მშვიდობის შეთანხმების შენარჩუნებას, არამედ შეიძლება სერიოზული კეთილდღეობა მოუტანოს სომეხს ხალხს - და ჩემთვის განსაკუთრებით მნიშვნელოვანია, ასევე ამერიკის შეერთებული შტატების მოქალაქეებს.

ამიტომ გავაგრძელებთ ამ საკითხებზე მუშაობას. ვიცი, რომ ეს ვიზიტი  მნიშვნელოვანი ნაბიჯია. ჩემთვის დიდი პატივია, რომ ვარ პირველი ვიცე-პრეზიდენტი, რომელიც სომხეთს ეწვია, და დარწმუნებული ვარ, რომ მომდევნო რამდენიმე საათის განმავლობაში ბევრ მნიშვნელოვან და ნაყოფიერ განხილვას გავმართავთ.

მადლობა ყველას. მადლობა, ბატონო პრემიერ-მინისტრო", - თქვა ვენსმა. 

ასევე, ჯეი დი ვენსმა და ნიკოლ ფაშინიანმა აშშ-სა და სომხეთს შორის ბირთვული შეთანხმების შესახებ მოლაპარაკებების დასრულებაზე ერთობლივ განცხადებას მოაწერეს ხელი

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი