ნატოს გენერალურმა მდივანმა იენს სტოლტენბერგმა AFP-ს განუცხადა, თუ როგორ შეიტყო უკრაინაში რუსეთის სრულმასშტაბიანი შეჭრის დაწყების შესახებ.

ომის დაწყების პირველი წლისთავისადმი მიძღვნილ ინტერვიუში გენერალურმა მდივანმა აღიარა, რომ 24 თებერვლის ღამეს მან კარგად იცოდა, რა შეიძლება მომხდარიყო დილით.

"წავედი დასაძინებლად. მაგრამ ღამე ძალიან ხანმოკლე იყო, რადგან ვიცოდი, რომ რაღაც ეტაპზე, ალბათ რამდენიმე საათში, ვიღაც გამაღვიძებდა. ზუსტად ასე მოხდა.  დაახლოებით დილის ოთხ საათზე დამირეკა ჩემი ოფისის უფროსმა და მოკლედ მითხრა, რომ დაიწყეს. ანუ დაიწყო შემოჭრა. ამაში არაფერი იყო მოულოდნელი, რადგან ვიცოდით", - იხსენებს ნატოს გენერალური მდივანი.

მისი თქმით, ნატომ მოსკოვის განზრახვის შესახებ 24 თებერვლამდე რამდენიმე თვით ადრე იცოდა.

სტოლტენბერგმა ასევე იწინასწარმეტყველა რუსეთსა და დასავლეთს შორის დაპირისპირების ახალი ერა. ”ჩვენ მზად უნდა ვიყოთ იმისთვის, რომ ეს ყველაფერი ძალიან დიდხანს გაგრძელდება და შეიძლება გაგრძელდეს მრავალი, მრავალი წლის განმავლობაში,” - თქვა მან.

ავტორი: ექსპრესნიუსი,

სოციალური ქსელები

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal