ნიდერლანდებმა ტელეარხ «Дождь» -ს მაუწყებლობის ლიცენზია მისცა. ამის შესახებ Dozhd-ის მთავარმა რედაქტორმა ტიხონ ძიადკომ ჟურნალისტ ალექსანდრე პლუშევს განუცხადა. მან უარი თქვა შემდგომ კომენტარზე.

6 დეკემბერს ლატვიის ელექტრონული მედიის ეროვნულმა საბჭომ (NEPLP) ტელეკომპანია „დოჟდს“ მაუწყებლობის ლიცენზია გაუუქმა. ამის შესახებ საბჭოს თავმჯდომარემ ივარს აბოლინშმა განაცხადა. მისი სიტყვებით, „სხდომაზე შეფასდა ვითარება, გადაწყდა რუსული დამოუკიდებელი ტელეარხის მაუწყებლობის ლიცენზიის გაუქმება“.

მანამდე ლატვიის მასობრივი ინფორმაციის ელექტრონული საშუალებების საბჭომ ტელეარხი „დოჟდი“ 10 000 ევროთი დააჯარიმა, ანექსირებული ყირიმის რუკის რუსეთის შემადგენლობაში და რუსულ ჯართან მიმართებაში სიტყვა „ჩვენის“ გამოყენების გამო.

1 დეკემბერს საღამოს ტელეკომპანიის პირდაპირ ეთერში, გადაცემაში „აქ და ახლა“, ჟურნალისტმა ალექსი კოროსტილიოვმა მაყურებელს მოუწოდა, რომ მობილიზაციის დროს მომხდარი დარღვევების თაობაზე აცნობონ ტელეკომპანიას, რომელსაც შეუძლია აღჭურვილობით დაეხმაროს ფრონტზე მყოფ რუს ჯარისკაცებს.

მომდევნო დღეს, 2 დეკემბერს, ტელეკომპანია “დოჟდმა“ტელეწამყვან ალექსეი კოროსტილიოვთან თანამშრომლობა შეწყვიტა.

ავტორი: ექსპრესნიუსი,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს