ლატვიის ელექტრონული მედიის ეროვნულმა საბჭომ ტელეკომპანია Дождь-ს მაუწყებლობის ლიცენზია გაუუქმა. აღნიშნულის შესახებ ინფორმაციას საბჭოს ხელმძღვანელი, ივარ აბოლინში ავრცელებს.

აბოლინშის თქმით, გადაწყვეტილება „ეროვნული უსაფრთხოებისა და საზოგადოებრივი წესრიგის საფრთხის გამო” მიიღეს. ტელეკომპანიამაუწყებლობას ლატვიაში 8 დეკემბერს შეწყვეტს.

„დარღვევების მთლიანობის შეფასებით, საბჭო დარწმუნდა, რომ Дождь-ის ხელმძღვანელობას არ ესმის და არ აცნობიერებს დარღვევების მნიშვნელობას და სერიოზულობას. შესაბამისად, არ შეუძლია იმოქმედოს ლატვიის ტერიტორიაზე“,- განაცხადა აბოლინშმა.

აღსანიშნავია, რომ რუსული ტელეარხის მაუწყებლობამ მანამდე არაერთხელ გამოიწვია ლატვიის ხელისუფლებისა და ოფიციალური პირების უკმაყოფილება.

გასულ კვირას საბჭომ ტელეარხი 10 ათასი ევროთი ანექსირებული ყირიმის რუკის რუსეთის შემადგენლობაში გამოყენებისა და რუსული არმიის მიმართ სიტყვა „ჩვენის“ გამოყენებისთვის დააჯარიმა.

მაშინ აბოლინსმა აღნიშნა, რომ ეს არხის მეორე დარღვევაა ბოლო რამდენიმე თვის განმავლობაში. მან აღნიშნა, რომ სამი სერიოზული დარღვევისთვის Дождь-ს  შესაძლოა ჩამოერთვას მაუწყებლობის ლიცენზია.

ტელეწამყვანის ალექსეი კოროსტელევის სიტყვების შემდეგ დოჟდის პირდაპირ ეთერში, 1 დეკემბერს, ლატვიის სახელმწიფო უსაფრთხოების სამსახურმა დაიწყო გამოძიება იმის გამო, რომ არხი დახმარებას უწევდა რუსეთის ჯარს.

ტელეარხმა მეორე დღეს ბოდიში მოიხადა და თქვა, რომ მან შეწყვიტა მუშაობა კოროსტელევთან. ამასთან, ჟურნალისტის მხარდაჭერის ნიშნად, ტელეკომპანია კიდევ სამმა თანამშრომელმა დატოვა.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული