შინაგან საქმეთა სამინისტრომ და მთის კურორტების განვითარების კომპანიამ სამთო-სათხილამურო სეზონის დაწყების შემდეგ სათხილამურო ტრასებზე არსებული რისკები და დამსვენებელთა საჩივრები განიხილეს.

შსს-ს ინფორმაციით, ინციდენტების და რისკების ანალიზის შედეგად გამოიკვეთა, რომ ერთ-ერთ მთავარ პრობლემას სათხილამურო ტრასებზე მოსრიალეთა, მათ შორის ბავშვების უსაფრთხოება წარმოადგენს, როდესაც ერთიდაიგივე სათხილამურო ტრასაზე მოთხილამურეებთან ერთად თოვლმავალი მოტოტრანსპორტიც გადაადგილდება.

„დამსვენებელთა უსაფრთხოების უზრუნველსაყოფად, გუდაურის სათხილამურო ტრასის პირველ მონაკვეთზე თოვლმავალი მოტოტრანსპორტისთვის ცალკე ბილიკი უკვე გაკეთდა, რომელიც სპეციალური ნიშნებით იქნება გამოყოფილი. ასევე, მახლობლად გამოიყო და კეთილმოეწყო ვრცელი ტერიტორია, სადაც დამსვენებლებს თოვლმავალი მოტოტრანსპორტით სეირნობის საშუალება ექნებათ.

სხვა მონაკვეთებზე თოვლმავალი მოტოტრანსპორტით მოძრაობა შეიზღუდება და მხოლოდ სამაშველო ღონისძიების ან პატრულირების დროს იქნება შესაძლებელი. აღნიშნულს პოლიცია გააკონტროლებს. დამატებით, იმ შემთხვევებში, როდესაც მოქალაქეები დაინახავენ სათხილამურო ტრასაზე თოვლმავალს შეუძლიათ დაუკავშირდნენ 112-ს, რის შემდეგაც პოლიციის სპეციალური ჯგუფი მოახდენს რეაგირებას და აღკვეთს მოძრაობას“, - ნათქვამია შსს-ს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო