საქართველოს პარლამენტის ყოფილი თავმჯდომარის დავით უსუფაშვილის განცხადებით, ბათუმში განვითარებული მოვლენები სახელმწიფოს წინააღმდეგ გალაშქრებაა.

როგორც უსუფაშვილი სოციალურ ქსელ Facebook-ის საკუთარ გვერდზე წერს, მნიშვნელოვანია მთავრობის მიერ იმ კომპლექსური სოციალურ-პოლიტიკური კონტექსტის გარკვევა და დასკვნების გამოტანა.

"ბათუმში მომხდარი სახელმწიფოს წინააღმდეგ გალაშქრებაა, რომელსაც აუცილებლად უნდა მოყვეს დამნაშავე პირების დასჯა. თუმცა, გაცილებით უფრო მნიშვნელოვანია მთავრობის მიერ იმ კომპლექსური სოციალურ-პოლიტიკური კონტექსტის გარკვევა და დასკვნების გამოტანა, რამაც ეს ყველაფერი თავიდან კი არ აგვაცილა, არამედ მოამწიფა. სააკაშვილი მხოლოდ ავანტიურისტია, რომელიც რეალურ პრობლემებს სათავისოდ იყენებს და არა ჯადოქარი, რომელიც სათავისო რეალობას ქმნის", - წერს დავით უსუფაშვილი.

ცნობისთვის, ბათუმში ვითარება 11 მარტს საღამოს ჭავჭავაძის ქუჩაზე მომხდარი ინციდენტისას დაიძაბა. პოლიციამ 2 მოქალაქე მას შემდეგ დააკავა, რაც პატრულის თანამშრომელმა ერთ-ერთი მათგანი დააჯარიმა, რასაც იქ მყოფ მოქალაქეებსა და პოლიციელებს შორის დაპირისპირება მოჰყვა. მოგვიანებით, პოლიციამ გოგებაშვილის ქუჩაზე მიმდინარე აქციაზე კიდევ 4 პირი დააკავა, სულ ოფიციალური ინფორმაციით 40-მდე პირია დაკავებული, 2 არასრულწლოვანი სასამართლო დარბაზიდან გაატავისუფლეს. მოგვიანებით აქცია აჭარის შს სამმართველოსთან გადაინაცვლა, სადაც პოლიციასა და აქციის მონაწილეებს შორის დაპირისპირება რამდენჯერმე მოხდა. აქციის მონაწილეები პოლიციის ეზოში შეჭრას ცდილობდნენ, რის შემდეგაც სპეცდანიშნულების რაზმმა ცრემლსადენი გაზი გამოიყენა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული