„კერძო კომპანიები სახელმწიფოსგან საექსპორტო გარანტიებს მიიღებენ და ამისათვის საექსპორტო დაფინანსების ინსტიტუტი შეიქმნება“, – ამის შესახებ ეკონომიკის მინისტრმა გიორგი კვირიკაშვილმა მთავრობის ადმინისტრაციაში გამართულ სამუშაო შეხვედრის შემდეგ განაცხადა.
როგორც კვირიკაშვილმა ქვეყანაში შექმნილი ეკონომიკური მდგომარეობის საკითხის კომენტირებისას განაცხადა, დაგეგმილი ღონისძიებებით ქვეყანაში ტურიზმით შემოსულობები წახალისდება. 
„ ჩვენ განვიხილეთ საქართველოს გარშემო ეკონომიკური სიტუაციის გავლენა საქართველოს ეკონომიკაზე, ვაფასებთ ამ გავლენას, თუ რამდენად მნიშვნელოვანი ზეგავლენა აქვს საქართველოს ეკონომიკაზე.  ასევე დავსახეთ მომავლის ძალიან კარგი ნაბიჯები.  ექსპორტის წახალისების მიმართულებით  სპეციალურ ინსტიტუტს ვქმნით  და სახელმწიფოს მხრიდან  კერძო კომპანიებზე საექსპორტო გარანტიების გაცემა იქნება.შეიქმნება საექსპორტო დაფინანსების ინსტიტუტი . აქ საუბარი არ არის შორეულ პერსპექტივაზე, ეს  ძალიან ახლო პერსპექტივაში იქნება. ასევე, დავსახეთ ძალიან სწრაფი ზომები, იმისათვის, რომ მინიმალურ დროში მოხდეს ტურიზმიდან შემოსულობების წახალისება და ამაზეც გვაქვს ძალიან მკაფიოდ ჩამოყალიბებული გეგმა“– აღნიშნა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს