საქართველოს შეიარაღებულ ძალებში პისტოლეტის სისტემის სამსახურებრივ-საშტატო იარაღიდან სროლაში პირად-გუნდური პირველობა გაიმართა.

თავდაცვის სამინისტროს ინფორმაციით, ტურნირში ჩართული 32 სამხედრო და სამოქალაქო მოსამსახურე პირველობისთვის ორ სახეობაში - სპორტულ და ტაქტიკურ სროლებში ასპარეზობდა.

მონაწილეები სრულყოფილად შესრულებული დავალების, სროლის შედეგების (სპორტული სროლები) და ასპარეზობის დროის (ტაქტიკური სროლები) მიხედვით შეფასდნენ.

გამარჯვებულები სამ საპრიზო კატეგორიაში გამოვლინდნენ.

სპორტულ სროლაში გუნდური პირველი ადგილის მფლობელი სპეციალური ოპერაციების ძალები გახდა. მეორე ადგილზე სახმელეთო ჯარების უზრუნველყოფის ცენტრი, ხოლო მესამე ადგილზე I მსუბუქი ქვეითის ბრიგადა გავიდა. გამარჯვებულებს სიგელები და მედლები, ხოლო პირველ ადგილზე გასულ სპეციალური ოპერაციების ძალებს ტურნირის თასი გადაეცა.

სიგელებითა და მედლებით დაჯილდოვდნენ, ასევე, ტაქტიკური სროლის შეჯიბრში საპრიზო ადგილებზე გასული სამხედროები.

შეჯიბრებაში მონაწილეობის მისაღებად საქართველოს შეიარაღებული ძალების თითოეული ქვედანაყოფიდან ორი საუკეთესო მსროლელი შეირჩა. შეჯიბრს სპეციალურად შერჩეული ინსტრუქტორთა ჯგუფი აკვირდებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო

რუსეთში დამკრძალავი კომპანიების რაოდენობა მკვეთრად გაიზარდა, უკრაინაში რეკორდული დანაკარგის ფონზე.