ღვინის ეროვნული სააგენტოს მხარდაჭერით, ქართული ღვინის მწარმოებელი 16 კომპანია იაპონიაში, ქალაქში ტოკიოში გამართულ კვებისა და სასმელების  საერთაშორისო გამოფენაში Foodex Japan 2024 მონაწილეობდა. 

„ქართული ღვინის ცნობადობა აზიის ბაზარზე, კერძოდ, იაპონიაში, ყოველწლიურად იზრდება, რაც აისახება კონკრეტულ ციფრებში. მიმდინარე წლის იანვარ-თებერვლის  მონაცემებით, იაპონიაში  28 ათასი ლიტრი ღვინის ექსპორტი განხორციელდა, რაც 549 %-ით მეტია 2023  წლის ანალოგიური პერიოდის მაჩვენებელზე. იაპონიაში ქართული ღვინის პოპულარიზაციის მიზნით, ღვინის ეროვნული სააგენტოსა და იაპონიაში საქართველოს საელჩოს ხელშეწყობით, მიმდინარე წელს, არაერთი მნიშვნელოვანი ღონისძიების გამართვა იგეგმება. სააგენტოს მიზანია, გააცნოს მსოფლიოს, მათ შორის იაპონიას, რომ ღვინო და ღვინის დაყენება უძველესი ქართული კულტურის შემადგენელი ნაწილია“, - განაცხადა ღვინის ეროვნული სააგენტოს თავმჯდომარის მოადგილემ, დავით ტყემალაძემ.

როგორც ქართული ღვინის მწარმოებელი კომპანიების წარმომადგენლები აღნიშნავენ, გამოფენაში Foodex Japan 2024 მონაწილეობა ახალი სავაჭრო პარტნიორების მოძიების და ექსპორტის გაზრდის, ასევე ქართული ღვინის იაპონელი საზოგადოებისთვის გაცნობის  და ზოგადად, ქართული ღვინის პოპულარიზაციის საშუალებას იძლევა. 

გამოფენის ფარგლებში, ღვინის ეროვნული სააგენტოს და ქართული ღვინის მწარმოებელი კომპანიების წარმომადგენლებმა შეხვედრები გამართეს იაპონურ მარკეტინგულ, სავაჭრო და საკონსულტაციო კომპანიებთან, რაც სამომავლო თანამშრომლობის განვითარებას  მნიშვნელოვნად შეუწყობს ხელს. 
უნდა აღინიშნოს, რომ იაპონელი ღვინის პროფესიონალებისა და საზოგადოებისთვის განსაკუთრებით საინტერესოა ქართული ქვევრის ღვინო და ქვევრში ღვინის დაყენების ტრადიცია, რომელსაც 2013 წელს, იუნესკოს (UNESCO) მიერ არამატერიალური კულტურული მემკვიდრეობის ძეგლის სტატუსი მიენიჭა, რაც ამ მეთოდის უნიკალურობაზე მიუთითებს.

იაპონია ქართული ღვინის ერთ-ერთი სტრატეგიული საექსპორტო ბაზარია. ღვინის ეროვნული სააგენტოს მხარდაჭერით, იაპონურ ბაზარზე ქართული ღვინის პირველი მასშტაბური წარდგენა 2014 წელს მოხდა. მას შემდეგ, სახელმწიფოს მხარდაჭერით,  ქართული ღვინის კომპანიები მუდმივად მონაწილეობენ პრესტიჟულ საერთაშორისო გამოფენებში Foodex Japan და Wine and Gourmet Japan, ტარდება ქართული ღვინის წარდგენა-დეგუსტაციები იაპონიის სხვადასხვა ქალაქში, იაპონელი ღვინის პროფესიონალებისა და მედიის წარმომადგენლებისთვის ეწყობა ღვინის  ტურები საქართველოს ყველა რეგიონში.

ინფორმაციას ღვინის ეროვნული სააგენტო ავრცელებს.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო