სასამართლომ  თბილისის მერიასა და ყოფილ თანამშრომლებს-გირშელ ბართაიას, ლევან ხაბეიშვილსა და ნინო ქაცარავას შორის დავა, ამ უკანასკნელების სასარგებლოდ გადაწყვიტა. ამის შესახებ   "ექსპრესნიუსს"  თავად გირშელ ბართაიამ  განუცხადა.  მისივე განმარტებით, თბილისის მერიას მათი  სამსახურში დაუყოვნებლივ აღდგენა და 3 თვის სახელფასო განაცდურის ანაზღაურება დაევალა. 

"ქ.თბილისის მერიას მოვუგეთ სასამართლო პროცესი.მართალია, თვეები გაიწელა სასამართლო პროოცესი, მაგრამ მაინც დავამტკიცე ჩემი სიმართლე. ნარმანიას უწყებას გულიც გადაუქანდება სასამართლოს გამამართლებელი განაჩენით რომ მივადგები სამსახურში.  დიდი გამარჯვებები ჯერ კიდევ წინაა. სამართალმა პური ჭამა. დიდი მადლობა მინდა გადავუხადო  უძლიერეს ადვოკატს, ივანე პეტრიაშვილს",-განუცხადა ბართაიამ "ექსპრესნიუსს".

გადაწყვეტილება თბილისის საქალაქო სასამართლოს მოსამართლე გიორგი მიქაუტაძემ მიიღო.

შეგახსენებთ, გირშელ ბართაია, ლევან ხაბეიშვილი  და ნინო ქაცარავა   დავით ნარმანიას ბრძანებით გაათავისუფლეს.  მერიის თანამშრომლების  მტკიცებით,  დაკავებული თანამდებობებიდან  უკანონოდ გათავისუფლდნენ  და მათ ნაცვლად უწყებაში ახალი ხელმძღვანელობის  ნათესავები დაასაქმეს,  რომლებსაც  არანაირი გამოცდილება არ ჰქონიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს