ისნის რაიონში მეტეხის საგვირაბო კომპლექსის გაგრძელებაზე, მდინარე მტკვარზე არსებული ხიდი–ესტაკადის რეაბილიტაცია იგეგმება.

აღნიშნული სარეაბილიტაციო სამუშაოების განსახორციელებლად კი, თბილისის მერიას უფლება მიეცა გამარტივებული ტენდერი გამოაცხადოს.

შესაბამისი განკარგულება საქართველოს პრემიერ–მინისტრმა ირაკლი ღარიბაშვილმა გამოსცა.

„„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, ქალაქ თბილისის მუნიციპალიტეტის მერიას მიეცეს უფლება ქ. თბილისში, ისნის რაიონში მეტეხის საგვირაბო კომპლექსის გაგრძელებაზე, მდინარე მტკვარზე არსებული ხიდი-ესტაკადის სარეაბილიტაციო სამუშაოების სახელმწიფო შესყიდვა განახორციელოს გამარტივებული შესყიდვის საშუალებით“, – ნათქვამია განკარგულებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.