საქართველოს პრეზიდენტი გიორგი მარგველაშვილი უზენაესი სასამართლოს თავმჯდომარის კანდიდატურის შერჩევასთან დაკავშირებით იუსტიციის უმაღლესი საბჭოს წევრებს შეხვდა. როგორც შეხვედრის მიმდინარეობისას პრეზიდენტმა განაცხადა, მნიშვნელოვანია, რომ უზენაესი სასამართლოს ახალ ხელმძღვანელობას, ფართო პოლიტიკური და საზოგადოებრივი მხარდაჭერა ჰქონდეს.
"ჩვენთვის უაღრესად მნიშვნელოვანია, რომ ახალ ხელმძღვანელობას, რომელიც ამ სისტემაში მოვა,   ფართო პოლიტიკური და საზოგადოებრივი მხარდაჭერა ჰქონდეს.  ბუნებრივია, ეს უშუალო გავლენას მოახდენს ჩვენი ქვეყნისთვის მნიშვნელოვანი ინსტიტუტის განვითარების პერსპექტივაზე,  სტაბილურობაზე და იმ პოზიტიურ გავლენაზე, რომელიც არის სასამართლო სისტემა- ქვეყნის სტაბილურობის მდგრადობის და ძლიერი სამოქალაქო საზოგადოების ჩამოყალიბების თვალსაზრისით",-განაცხადა გიორგი მარგველაშვილმა.
დღევანდელ შეხვედრაზე კონკრეტულ კანდიდატურებთან დაკავშირებით საუბარი არ ყოფილა. პრეზიდენტმა იუსტიციის უმაღლესი საბჭოს წევრებისგან ის კრიტერიუმები მოისმინა, რასაც მათი აზრით, მომავალი უზენაესი სასამართლოს თავმჯდომარე უნდა აკმაყოფილებდეს.
ცნობისთვის, უზენაესი სასამართლოს მოქმედ თავმჯდომარეს უფლებამოსილება თებერვალში ეწურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს