ლუკ კოფი სირიიდან გაყვანილი ამერიკელი სამხედროების ახალქალაქში განთავსების ინიციატივით გამოდის

2019-10-25 11:49:29, 5877 ნახვა

სამხედრო

Heritage Foundation-ის მკვლევარი, ანალიტიკოსი ლუკ კოფი სირიიდან გაყვანილი ამერიკელი სამხედროების საქართველოში განთავსების ინიციატივით გამოდის, - ამის შესახებ ანალიტიკოსი Twitter-ის საკუთარ გვერდზე წერს.

„შეთავაზება: აშშ-ის სამხედროები, რომლებიც სირიას ტოვებენ, შეიძლება, საქართველოში გაიგზავნონ. ის გახდება „ჰორიზონტს გადაღმა“ ძალა, რომელსაც შეეძლება „ისლამურ სახელმწიფოს“ სწრაფად უპასუხოს, ძალის ხელახლა მოკრების შემთხვევაში. აშშ-ს შეუძლია, ახალქალაქში მდებარე, ძველი რუსული ბაზა გამოიყენოს, რომელიც მხოლოდ 740 კმ-ით არის დაშორებული რაყას. ახლა საქართველო უფრო საიმედოა, ვიდრე ერაყი“, - წერს კოფი Twitter-ზე.

ცნობისთვის, მას შემდეგ რაც თურქეთმა სირიაში სამხედრო ოპერაციო დაიწყო, ამერიკის შეერთებული შტატების პრეზიდენტმა დონალდ ტრამპმა მიიღო გადაწყვეტილება ქვეყნიდან ამერიკელი სამხედროები გაეყვანა.

Proposal: US troops leaving Syria could be sent to Georgia & become an “over the horizon” force to respond quickly if ISIS reconstitutes.

USA could use old Russian base at Akhalkalaki which is only 460 miles (740km) from Raqqa.

Georgia more dependable than Iraq right now. ???????? pic.twitter.com/VdIjEONwcO
— Luke Coffey (@LukeDCoffey) October 24, 2019