უკრაინაში მებრძოლი ნადიმ ხმალაძე სასამართლომ ადმინისტრაციულ სამართალდამრღვევად ცნო.

მოსამართლე ლელა ცაგარეიშვილის გადაწყვეტილებით ნადიმ ხმალაძეს ადმინისტრაციული სახდელის სახით 5 000-ლარიანი ჯარიმა დაეკისრა.

როგორც ხმალაძის ადვოკატმა ბექა კვინიკაძემ განაცხადა, ხმალაძეს რუსთაველზე მიმდინარე საპროტესტო აქციების ფარგლებში გზის გადაკეტვის 3 ეპიზოდს ედავებოდნენ. კერძოდ კი იმას, რომ ნადიმ ხმალაძემ 5, 6 და 9 იანვარს გზა უკანონოდ, იმ დროს გადაკეტა, როცა ამისთვის საკმარისი ოდენობით ხალხი არ იყო. ადვოკატმა საქმეების გაერთიანება მოითხოვა, რაც სასამართლომ დააკმაყოფილა და ადმინისტრაციულ პასუხისგებაში მიცემული პირი სამივე ეპიზოდში სამართალდამრღვევად ცნო, თუმცა, ერთი ადმინისტრაციული სახდელი დაადო.

ადვოკატის თქმით, ნადიმ ხმალაძეს გზის გადაკეტვის კიდევ 2 ეპიზოდს ედავებიან, თუმცა, აღნიშნულის თაობაზე ხმალაძეს ჯარიმა ახალი წესით ჩააბარეს. ადვოკატი აღნიშნულ ჯარიმას გაასაჩივრებს.

ავტორი: ექსპრესნიუსი,

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა