აჭარაში 200-მდე ლაბორატორიული კვლევა ჩატარდა და ყველას პასუხი უარყოფითია, - ამის შესახებ აჭარის ჯანდაცვის მინისტრის მოადგილემ ნინო ნიჟარაძემ განაცხადა.

მანვე აღნიშნა, რომ ქობულეთის კლასტერთან დაკავშირებული დადასტურებულ შემთხვევათა რაოდენობა ისევ 36-ს შეადგენს.

„გასული 24 საათის განმავლობაში რეგიონში ჩატარდა 200-მდე ლაბორატორიული კვლევა და ყველასთან მიმართებაში გვაქვს უარყოფითი შედეგი. შესაბამისად, ახალი შემთხვევა არ დაგვმატებია.

ქობულეთის კლასტერთან დაკავშირებული აღრიცხული ლაბორატორიულად დადასტურებული 36 პირი რჩება ისევ.

საყურადღებოა ისიც, რომ კლასტერთან დაკავშირებული კონტაქტებიდან თითქმის ყველას მოეხსნა იზოლაციის წესები, გარდა უკანასკნელ ორ შემთვევასთან დაკავშირებული კონტაქტირებული პირებისა, რომელთა რაოდენობა არის 16“, - განაცხადა ნინო ნიჟარაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ