იური ვაზაგაშვილის ცხედარი ექსპერტიზის ეროვნული ბიუროდან გამოასვენეს

2015-01-21 13:13:14, 702 ნახვა

სამართალი

ლევან სამხარაულის სახელობის ექსპერტიზის ეროვნულ ბიუროში იური ვაზაგაშვილის ცხედრის ექსპერტიზა დასრულდა. გარდაცვლილის ცხედარი ექსპერტიზის ეროვნული ბიუროს შენობიდან ზურაბ ვაზაგაშვილის სახელობის დარბაზში გადაასვენეს. ადგილზე შეკრებილები იყვნენ ოჯახის ახლობლები, თუმცა მათ მედიის წარმომადგენლებთან კომენტარის გაკეთებისგან თავი შეიკავეს.
შეგახსენებთ, კასპის რაიონის სოფელ ყარაფილაში გუშინ იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. წინასწარი ინფორმაციით, ის ააფეთქეს. ყარაფილას სასაფლაოზე, სამართალდამცავები მთელი ღამის განმავლობაში იმყოფებოდნენ. ადგილზე ამ დროისთვისაც მობილიზებული არიან ექსპერტ კრიმინალისტები და საგამოძიებო მოქმედებები მიმდინარეობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან