ჩანაწერების ავთენტურობის დადგენის შემთხვევაში, კიდევ ერთხელ დავრწმუნდებით, რომ დაძაბულობა ხელოვნურად იქმნება , - ამის შესახებ ჯანდაცვის მინისტრმა დავით სერგეენკომ გუშინ ფარული აუდიო ჩანაწერების გავრცელებასთან დაკავშირებით განაცხადა.

როგორც მინისტრმა აღნიშნა, არეულობის რეალური საფუძველი არ არსებობს.  

„დემოკრატიულ საქართველოში არასოდეს არ იქნება ერთი და იგივე პოლიტიკური სიმპათიები. არჩევნები იმისთვის არის, რომ მოსახლეობამ მისცეს ხმა იმ პარტიას, რომელსაც მისთვის მისაღებად მიიჩნევს. მე ვფიქრობ, რომ განსხვავებული პოლიტიკური შეხედულების საქართველოს მოქალაქეებს შორის დაპირისპირების საშიშროება არ არსებობს. თუკი დადგინდება ავრცელებული ჩანაწერების ავთენტურობა, ეს კიდევ ერთხელ დაგვარწუმებს, რომ არის სისტემური მცდელობები, დაძაბულობის ხელოვნურად შესაქმნელად. არეულობის რეალური საფუძველი არ არსებობს. დარწუმებული ვარ, რომ სამართალდამცელები ყველაფერს გააკეთებენ, რათა მოხდეს პრევენცია“, - განაცხადა დავით სერგეენკომ.

შეგახსენებთ, რომ სოციალურ ქსელ Youtube-ში მორიგი სატელეფონო საუბრის ჩანაწერი გავრცელდა.

ჩანაწერში სავარაუდოდ, საქართველოს ყოფილი პრეზიდენტის, მიხეილ სააკაშვილისა და „ნაციონალური მოძრაობის“ ლიდერების სატელეფონო საუბარია ასახული, რომლებიც რევოლუციურ სცენარზე საუბრობენ.

ჩანაწერის ავთენტურობა ჯერ-ჯერობით დადასტურებული არ არის.

ცნობისთვის, სახელმწიფო უსაფრთხოების სამსახურმა „ნაციონალური მოძრაობის“ წევრები, რომლებიც გავრცელებულ აუდიოჩანაწერში ფიგურირებენ დაკითხვაზე დაიბარა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს