2025-02-26 12:09:50, 1693 ნახვა

---

დიდთოვლობამ პრობლემები შექმნა წალენჯიხის მუნიციპალიტეტში - სააღმზრდელო პროცესი შეჩერებულია

დიდთოვლობამ პრობლემები შექმნა წალენჯიხის მუნიციპალიტეტში.

წალენჯიხის მუნიციპალიტეტის მერის მოადგილის თამარ ბელქანიას ცნობით, მთელი ღამის განმავლობაში გზების გაწმენდითი სამუშაოები არ შეწყვეტილა. 

მისივე თქმით, მუნიციპალიტეტის ადმინისტრაციულ ერთეულებში სააღმზრდელო პროცესი შეჩერებულია.

„მიუხედავად იმისა, რომ მთელი ღამის განმავლობაში თოვდა, გზების გაწმენდითი სამუშაოები აქტიურად მიმდინარეობდა, დაყრილია ტექნიკური მარილი. საგანგებო რეჟიმში მუშაობდა სპეციალური შტაბი, რომელიც შექმნილია წალენჯიხის მუნიციპალიტეტის მერიაში. ახლა შიდა სასოფლო გზების გაწმენდითი სამუშაოები მიმდინარეობს. ამ დროისთვის, მუნიციპალიტეტს ელექტროენერგია, ბუნებრივი აირი და ინტერნეტი უწყვეტად მიეწოდება. ადმინისტრაციული ერთეულების საბავშვო ბაღებში სააღმზრდელო პროცესი შეჩერებულია“, - განაცხადა თამარ ბელქანიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი