ფედერალისტური პარტიის ლიდერმა თამარ ჩერგოლეიშვილმა კომენტარი გააკეთა საქართველოს პრემიერ-მინისტრ ირაკლი კობახიძესა და აშშ-ის სახელმწიფო მდივან მარკო რუბიოს შორის სატელეფონო საუბრის შესახებ ინფორმაციაზე.

პოლიტიკოსი დარწმუნებულია, რომ რუბიოს ზარი რეგიონში მიმდინარე მოვლენებს უკავშირდებოდა - ეს იქ არსებული ვითარებით იყო განპირობებული და „სხვა არაფერი“.

ოპოზიციონერი პოლიტიკოსი ვარაუდობს, რომ კობახიძემ და რუბიომ ირანის თემა განიხილეს, თუმცა ჩერგოლეიშვილმა არ გამორიცხა, რომ ორივე მხარემ სხვა საკითხებსაც შეეხო.

„ამერიკული პოზიცია ნათელია და რუბიო კიდევ ერთხელ გაიმეორებს, რომ ქვეყანაში სიტუაცია უნდა ნორმალიზდეს ოპონენტების დევნის დასრულების, „გრანტების კანონის“ გაუქმებისა და პოლიტპატიმრების გათავისუფლების თვალსაზრისით.

ბიძინა ივანიშვილი ამჟამად ისეთ სიტუაციაშია, სადაც უკან დახევის ფუფუნება არ შეუძლია.

ის ამ ყველაფერს რეპრესიების საშუალებით ინარჩუნებს და თუ რეპრესიები შემსუბუქდება, სწორედ მაშინ დადგება ავტოკრატებისთვის საშიში დრო - ისინი ჩამოიშლებიან. „როდესაც გორბაჩოვმა „პერესტროიკა“ დაიწყო, სწორედ მაშინ ჩამოიშალა“, - თქვა თამარ ჩერგოლეიშვილმა.

ავტორი: ექსპრესნიუსი,

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ