გიორგაძე 29 ჰექტარზე: გაყიდულ ტერიტორიაზე კულტურული მემკვიდრეობის ძეგლის სტატუსი არ ვრცელდება

2016-05-06 13:01:52, 3231 ნახვა

კულტურა

გაყიდულ ტერიტორიაზე კულტურული მემკვიდრეობის ძეგლის სტატუსი არ ვრცელდება, - ამის შესახებ საქართველოს კულტურისა და ძეგლთა დაცვის მინისტრმა ჟურნალისტებს განუცხადა.

მისისტრის თქმით, "ბოტანიკური ბაღის საზღვრები 2000 წელს დადგინდა, 2007-ში კულტურის მინისტრის ბრძანებით მიენიჭა კულტურული მემკვიდრეობის ძეგლის სტატუსი, შესაბამისად ამ ტერიტორიებზე კულტურული მემკვიდრეობის ძეგლის სტატუსი არ ვრცელდება.

"ბოტანიკური ბაღის საზღვრები 2000 წელს დადგინდა, 2007-ში კულტურის მინისტრის ბრძანებით მიენიჭა კულტურული მემკვიდრეობის ძეგლის სტატუსი, თუმცა არ განსაზღვრულა არც საკადასტრო საზღვრები და არც სააღრიცხვო ბარათი სამწუხაროდ არ გაკეთებულა. შესაბამისად ამ საბოლოო მონაცემების მიხედვით რომელიც 2000 წელს დადგინდა თბილისის არქიტექტურის სამსახურის მიხედვით, იმას მიენიჭა კულტურული მემკვიდრეობის ძეგლის სტატუსი. შესაბამისად ამ ტერიტორიებზე კულტურული მემკვიდრეობის ძეგლის სტატუსი არ ვრცელდება“ - განაცხადა მიხეილ გიორგაძემ.

მისივე თქმით, თუ მას მიიწვევენ პარლამენტში, შესაბამისი კომიტეტის სხდომაზე ის მივა და იქაც იგივე განცხადებას გააკეთებს.

ცნობისთვის, ოპოზიცია აცხადებს, რომ ბოტანიკური ბაღის მიმდებარე ტერიტორიას კულტურული მემკვიდრეობის ძეგლის სტატუსი აქვს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან