ქუთაისის ხანდაზმულთა პანსიონატის ბენეფიციარებმა სპექტაკლში „მოხუცი ბავშვები“ მიიღეს მონაწილეობა

2015-02-20 14:27:26, 485 ნახვა

საზოგადოება

ლადო მესხიშვილის სახელობის ქუთაისის სახელმწიფო დრამატული თეატრის მცირე სცენაზე მინი სპექტაკლი ,,მოხუცი ბავშვები’’ გაიმართა.

სპექტაკლში მონაწილეობა ქუთაისის ხანდაზმულთა პანსიონატის თანამშრომლებმა და ბენეფიციარებმა მიიღეს.

სპექტაკლი ნოდარ დუმბაძის მოთხრობების მიხედვით დაიდგა.

როგორც პანსიონატში ამბობენ, სპექტაკლი 5 თვეში დაიდგა და მასში მონაწილეობას 10-მდე ბენეფიციარი იღებდა.

ღონისძიებას ქუთაისის მერიის კულტურის განყოფილების, ქუთაისის საკრებულოს, სოციალური მომსახურების და ტრეფიკინგის სახელმწიფო ფონდის თანამშრომლები ესწრებოდნენ.

ხანდაზმულთა პანსიონატში აცხადებენ, რომ ეს უკვე მეორე სპექტაკლია და მომავალშიც იგეგმება მსგავსი ღონისძიებების გამართვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან