საქართველოს იუსტიციის სამინისტროს ეროვნული არქივის საგამოფენო პავილიონში გამოფენა „ქართული კინო“ გაიხსნა.

ღონისძიება საქართველოს იუსტიიის მინისტრის პირველმა მოადგილემ მიხეილ სარჯველაძემ და ეროვნული არქივის გენერალურმა დირექტორმა თეონა იაშვილმა გახსნეს.

2018 წელს ქართულ კინოს 110 წლის იუბილეა. გამოფენა სწორედ ამ თარიღს მიეძღვნა.

ეროვნულ არქივში ქართული კინოს გადაღების ისტორიის ამსახველი საინტერესო და მრავალფეროვანი მასალა ინახება. მათგან გამოფენაზე წარმოდგენილია 1920-იან-1980-იან წლებში გადაღებული კინოფილმების გადასაღები მოედნების ამსახველი ფოტოები და  ქართული მხატვრული ფილმების აფიშები. ფილმებს შორისაა: „ჩემი ბებია", „რაც გინახავს, ვეღარ ნახავ", „არდადეგები", „მე, ბებია, ილიკო და ილარიონი", „პასტორალი", „არაჩვეულებრივი გამოფენა", „ფეოლა", „მხიარული რომანი", „დღე უკანასკნელი, დღე პირველი", „ვერის უბნის მელოდიები" და სხვა.

დღესვე გაიმართა ამავე თემაზე შექმნილი ეროვნული არქივის 2019 წლის კალენდრების  პრეზენტაცია.

გამოფენა 2019 წლის იანვრის ბოლომდე გაგრძელდება. დასწრება თავისუფალია.

(NS)

ავტორი: ,

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა