კორონავირუსით გარდაცვლილი 20 წლის ფეხბურთელის, ვახტანგ ჩარკვიანის გარდაცვალების საქმეზე ბრალი წარედგინა ექიმს, ქეთევან ლობჟანიძეს, რომელსაც პროკურატურა სამსახურეობრივ გულგრილობას ედავება, რამაც შეიძლება, ხუთი წლით ციხეში მოხვედრა გამოიწვიოს.

პროკურატურის მიერ გავრცელებული ინფორმაციით, მკვლევარები ირწმუნებიან, რომ მძიმე მდგომარეობაში კლინიკაში შეყვანილ ჩარკვიანს ექიმმა მედიკამენტოზური მკურნალობა დაუნიშნა, თუმცა აუცილებელი კვლევები არ ჩაუტარებია. ადვოკატის თქმით, სასამართლო ხვალ იმსჯელებს ექიმის აღკვეთის ღონისძიებაზე. ბრალდების მხარე გირაოს შუამდგომლობით მიმართავს.

„ეს არის ექიმი, რომელმაც, საქმის მასალების მიხედვით, ვერ განარჩია ვირუსული და ანტიბაქტერიული დაავადება. ამიტომ, ვირუსული მკურნალობა საერთოდ არ დაუწყია და დაიწყო მხოლოდ ანტიბიოტიკით, ისე, რომ არც ერთი ანალიზი არ ჩაუტარებია, რამაც გამოიწვია პაციენტის მდგომარეობის დამძიმება და გარდაცვალება“, – განაცხადა ადვოკატმა ზაალ დავითაიამ.

შეგახსენებთ, რომ პროკურატურა ვახტანგ ჩარკვიანის საქმეზე "აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის" თერაპიული განყოფილების ექიმს ბრალდება წარუდგინა. უწყების განცხადებით, ექიმმა არ გაითვალისწინა პაციენტის კლინიკური მდგომარეობის მართვის პროტოკოლი და მედიკამენტოზური მკურნალობა დაუნიშნა შესაბამისი კვლევის გარეშე.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი