თბილისი,  საქართველოს მესამე პრეზიდენტის, მიხეილ სააკაშვილის, და სახელმწიფო დაცვის სპეციალური სამსახურის (სდსს) ყოფილი უფროსის, თეიმურაზ ჯანაშიას საქმეზე პროკურორმა გიორგი მუჯირმა დასკვნითი სიტყვა წარმოთქვა. მისი განცხადებით, ბრალდებულებმა სახელმწიფო ბიუჯეტის თანხები პირადი მიზნებისთვის და გარემოცვის ფუფუნებისთვის გამოიყენეს.

პროკურორის თქმით, საქმეში წარმოდგენილი მტკიცებულებები მიუთითებს, რომ სააკაშვილსა და ჯანაშიას შორის კორუფციული სქემა არსებობდა, რომლის ფარგლებშიც 3 წლისა და 9 თვის განმავლობაში 9 მილიონ ლარზე მეტი საბიუჯეტო თანხა უკანონოდ დაიხარჯა.

„9 მილიონი ლარიდან არცერთი თეთრი ლეგიტიმური სახელმწიფო ინტერესისათვის არ გამოუყენებიათ,“ – აღნიშნა მუჯირმა.

საქმეში დეტალურად არის აღწერილი ისეთი ხარჯები, როგორებიცაა:

            •           თინა ბოკუჩავასთვის „ეიფლის“ მობილური ტელეფონის გადაცემა;

            •           მარიამ საჯაიასთვის 3,500 ლარად ნაყიდი ოქროს სამკაული;

            •           ვერა ქობალიასთვის პასპორტის აღება, სადაც იგი ინვალიდად იყო მოხსენიებული.

პროკურატურის მტკიცებით, ხარჯები, რომლებიც სახელმწიფოს ბიუჯეტიდან მოხდა, პირადი ფუფუნებისა და კომფორტის შესაქმნელად იყო განკუთვნილი.

საქმეს, რომელსაც საზოგადოება „პიჯაკების საქმეს“ უწოდებს, მიხეილ სააკაშვილსა და თეიმურაზ ჯანაშიას ჯგუფური გაფლანგვის მუხლით ედავებიან.

სასამართლოს გადაწყვეტილება აღნიშნულ საქმეზე უახლოეს დღეებში გახდება ცნობილი.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო