2024-04-09 17:58:34, 553 ნახვა

---

აშშ-ის ცენტრალური სარდლობა - შეერთებულმა შტატებმა უკრაინას დამატებითი საბრძოლო მასალა გადასცა

ამერიკის შეერთებული შტატების მთავრობამ უკრაინის შეიარაღებულ ძალებს 5 000-ზე მეტი AK-47, ტყვიამფრქვევი, სნაიპერული შაშხანა, RPG-7 და 500 000-ზე მეტი საბრძოლო მასალა გადასცა. ამის შესახებ ინფორმაციას აშშ-ის ცენტრალური სარდლობა X-ზე [ყოფილ Twitter-ზე] ავრცელებს.

სარდლობის ცნობით, აღნიშნული საბრძოლო მასალა 2021 წლის მაისიდან 2023 წლის თებერვლამდე პერიოდში ჩამოართვეს გემებს, რომლებითაც იარაღი, გაეროს უშიშროების საბჭოს რეზოლუციის დარღვევით, "ჰუსიტ" მეამბოხეებს ირანის "ისლამური რევოლუციის გვარდიის კორპუსიდან" გადაჰქონდათ. 

"ეს იარაღი დაეხმარება უკრაინას რუსეთისგან თავის დაცვაში",- აცხადებენ შეერთებული შტატების ცენტრალურ სარდლობაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი